25 04 2024

$

388.60
4.22
€

416.73

+19.09 ^oC

Երևանի ավագանու նիստերին լրագրողները չեն մասնակցի, իսկ ինչ պայմաններ են առաջարկվում

ՀԱՅԱՍՏԱՆ

16:25 23.03.2018

SHANTNESWS-ն արդեն տեղեկացրել է, որ ԱԺ-ում քննարկվել է «Երևան քաղաքում տեղական ինքնակառավարման մասին» ՀՀ օրենքում փոփոխություն կատարելու մասին նախագիծը, որտեղ «Ելք» խմբակցության պատգամավորները հարց են բարձրացրել Երևանի ավագանու նիստերը լուսաբանելու՝ լրագրողների առաջ դրված սահմանափակումների մասին:

ԱԺ պետաիրավական և մարդու իրավունքների պաշտպանության հարցերի մշտական հանձնաժողովի նախագահ Գևորգ Կոստանյանը օրինակ է բերել ԱԺ լուսաբանման փորձը, երբ լրագրողները չեն կարող մուտք գործել նիստերի դահլիճ, սակայն ազատ լուսաբանում են ԱԺ աշխատանքը իրենց համար առանձնացված սենյակից:

Ըստ Կոստանյանի՝ նույն պայմանները ստեղծված են նաև Երևանի ավագանու համար:

«Երևանի ավագանին նույն խորհրդարանն է, սակայն` Երևանի մասշտաբով, հետևաբար դրա լուսաբանումը ևս պետք է լինի ընդունված չափանիշներով»,- ասել է Գևորգ Կոստանյանը:

Հիշեցնենք, որ քաղաքապետարանում ևս արդեն դահլիճ է առանձնացված լրագրողների համար: Այն գտնվում է ավագանու նիստերի դահլիճից մի քանի մետր հեռավորության վրա: Խոսքն այն դահլիճի մասին է, որը լրագրողներին շատ ավելի ծանոթ է որպես բրիֆինգների դահլիճ:

SHANTNESWS-ն Երևանի քաղաքապետարանում ստեղծված պայմանների վերաբերյալ օրեր առաջ՝ Երևանի ավագանու նիստի ժամանակ, պարզաբանումներ է ստացել քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանից:

«Էստեղ ապահովված է 4 տեսախցիկների ուղիղ հեռարձակումը՝ առանձին-առանձին: Դահլիճն ամբողջությամբ վերցրված է, երևում է, թե ինչ է կատարվում: Այսինքն՝ ամբողջ տարածքով կադրում է, և ուղիղ եթեր է ապահովված: Ռեժիսորական միջամտությամբ բոլոր տեսախցիկների աշխատանքը կհեռարձակվի: Ապահովել ենք նաև հեռուստատեսային ուղիղ հեռարձակման համար անհրաժեշտ սարքավորումները: Հեռուստաընկերությունները կարող են հեռարձակել նաև յուրաքանչյուր տեսախցիկինը առանձին-առանձին: SDI և HDMI ֆորմատներով ենք ուղիղ եթերն ապահովում»,- ասել է Արթուր Գևորգյանը:

Ըստ քաղաքապետարանի տեղեկատվության և հասարակայնության հետ կապերի վարչության պետի՝ լրագրողների համար կա նաև հնարավորություն` ունենալ ոչ թե նիստն ամբողջությամբ, այլ նիստից կոնկրետ որևէ հատված կամ ելույթ: Սրահում նաև WI-FI կապ կա:

Ինչպես հայտնի է, փետրվարի 13-ի աղմկահարույց նիստից հետո է խոսվել այն մասին, որ լրագրողների աշխատանքը նիստերի ժամանակ որոշակիորեն կսահմանափակվի: Այնուամենայնիվ, նիստերի դահլիճ մուտք գործելու արգելք մարտի 19-ին կայացած ավագանու նիստի ժամանակ չի եղել: Լրագրողներն այդ անգամ հնարավորություն են ունեցել ավագանու աշխատանքը լուսաբանել թե՛ նիստերի դահլիճից, թե՛ իրենց հատկացված սրահից:

Երևանի ավագանու հաջորդ նիստն ապրիլի 27-ին է:

Բաժանորդագրվեք SHANTNEWS.am-ին Telegram-ում

Բոլոր լուրերը

23:05 25.04.2024
Հայոց ցեղասպանության 109-րդ տարելիցի կապակցությամբ Ֆրանսիայի Անտոնի քաղաքում տեղի է ունեցել ոգեկոչման հանդիսավոր արարողություն

Կապակցված լուրեր

23:05 25.04.2024

Հայոց ցեղասպանության 109-րդ տարելիցի կապակցությամբ Ֆրանսիայի Անտոնի քաղաքում տեղի է ունեցել ոգեկոչման հանդիսավոր արարողություն

Հայոց ցեղասպանության 109-րդ տարելիցի կապակցությամբ, հայազգի քանդակործ Թորոս Ռաստ-Կլանի հեղինակած և Ֆրանսիայի Անտոնի քաղաքում տեղադրված «Հայաստանի Արծիվ» հուշակոթողի մոտ ապրիլի 24-ին տեղի ունեցավ ոգեկոչման հանդիսավոր արարողություն, որին ներկա էին Օ-դը-Սեն դեպարտամենտի ղեկավարությունը, քաղաքապետեր, քաղաքային խորհուրդների անդամներ, հայ համայնքի ներկայացուցիչներ։ Իր խոսքում Ֆրանսիայում ՀՀ դեսպանության երրորդ քարտուղար Շիրազ Հովակիմյանն ընդգծեց 20-րդ դարում տեղի ունեցած Հայոց ցեղասպանության […] ...

22:57 25.04.2024

Ադրբեջանի պահանջով Մոսկվայում ձերբակալել են հայամետ քաղաքագետ Միխայիլ Ալեքսանդրովին

Մոսկվայում երեկ ձերբակալել էին հայամետ հայտնի քաղաքագետ ու հասարակական գործիչ Միխայիլ Ալեքսանդրովին: Պատճառը Ադրբեջանի դիմումն էր: Ովքե՞ր են ձերբակալել: Թեմային՝ «Հորիզոնի» տաղավարում անդրադարձել է Արտյոմ Երկանյանը։ «Հիշեցնեմ՝ Միխայիլ Ալեքսանդրովը Մոսկվայի միջազգային հարաբերությունների պետական համալսարանին կից ռազմաքաղաքական վերլուծությունների կենտրոնի ավագ գիտաշխատող է, գիտությունների դոկտոր, քաղաքագետ և ԱՊՀ երկրների իսնստիտուտի փոխտնօրեն: Նա հայտնի է բազմաթիվ մեկնաբանություններով՝ ի […] ...

22:54 25.04.2024

Հռոմի «Հայոց ցեղասպանություն» այգում տեղի է ունեցել Հայոց ցեղասպանության 109-րդ տարելիցի զոհերի հիշատակի ոգեկոչման արարողությունը

2024թ. ապրիլի 24-ին Իտալիայում և Սուրբ Աթոռում Հայաստանի դեսպանությունների և Հռոմի հայ համայնքի նախաձեռնությամբ Հռոմի «Հայոց ցեղասպանություն» այգում տեղի ունեցավ Հայոց ցեղասպանության 109-րդ տարելիցի զոհերի հիշատակի ոգեկոչման արարողությունը: Միջոցառմանը ներկա էին Իտալիայի բարձրաստիճան պաշտոնյաներ, տարբեր քաղաքական ուժեր ներկայացնող խորհրդարանականներ, հայ առաքելական և կաթոլիկ եկեղեցիների ներկայացուցիչներ, Իտալիայում և ՊԳԿ-ում հավատարմագրված դիվանագիտական ներկայացուցչությունների ղեկավարներ, դիվանագետներ, լրագրողներ, հայ, […] ...

22:40 25.04.2024

Քննարկվել են ԱՄՆ կողմից Հայաստանին տրամադրվող աջակցությանը վերաբերող հարցեր

Ապրիլի 25-ին ԱԳ նախարարի տեղակալ Պարույր Հովհաննիսյանն ընդունել է ԱՄՆ Սենատի հատկացումների հանձնաժողովի պետքարտուղարության և արտաքին ծրագրերի ենթահանձնաժողովի մեծամասնական կուսակցության (դեմոկրատական) գործավար Ալեքս Քարնսին, աշխատակազմի փորձագետ Էնդրյու Պլատին և պետքարտուղարության օրենսդրական հարցերի բյուրոյի հատկացումների գծով ավագ խորհրդատու Փոլ Ռադեմախերին: Նախարարի տեղակալը, բարձր գնահատելով երկու երկրների միջև առկա քաղաքական երկխոսության մակարդակը, անդրադարձ է կատարել Հայաստան-ԱՄՆ երկկողմ […] ...

22:15 25.04.2024

Ապրիլի 26-ին Երևանի և մարզերի որոշ հասցեներում լույս չի լինի

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 26-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10:00-15:00 Տիգրան Մեծի պող. 40, 40Բ շենքեր, 10:00-16:00 Նոր Նորք 3-րդ զանգ.՝ Քոչարյան փ. 4 շենք, Քոչարյան նրբ. 5 շենք, Գայի պող. 26, 28, 32 շենքեր և հարակից ոչ բնակիչ-բաժանորդներ, Դավթաշեն 2-րդ […] ...

21:57 25.04.2024

Հայոց ցեղասպանության 109-րդ տարելիցին նվիրված արարողություն՝ Կրետեյ քաղաքում

Ապրիլի 24-ին Հայոց ցեղասպանության 109-րդ տարելիցի կապակցությամբ Վալ-դը-Մարն դեպարտամենտի Կրետեյ քաղաքում՝ Ֆրանսիայի համար նահատակված հերոսների հիշատակը հավերժացնող հուշարձանի մոտ, դեպարտամենտային մակարդակով տեղի ունեցավ ոգեկոչման հանդիսավոր արարողություն՝ Վալ-դը-Մարնի պրեֆեի տեղակալ Էմանուել Դյուպյուիի, Կրետեյի քաղաքապետ Լորան Կատալայի, ՀՀ դեսպանության առաջին քարտուղար Գայանե Մանուկյանի, Վալ-դե-Մարն դեպարտամենտի խորհրդի փոխնախագահ Ժան-Դանիել Ամսլերի, «Վալ-դը-Մարնի ֆրանս-հայկական ալյանս» կազմակերպության նախագահ Դելֆին Կույումջյանի, ռեգիոնալ, […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.