Եվրատեսիլի հայաստանյան կրքերը. լավագույն երգերի հնգյակը ըստ SHANTNEWS-ի

Շաբաթվա ընթացքում համացանցում ակտիվ քննարկվում էին «Դեպի Եվրատեսիլ» նախագծին ներկայացված երգերը: Ամեն օր նախագծի պաշտոնական էջում հրապարակում էին Հայաստանը Եվրատեսում ներկայացնելու համակնորդ մի քանի երգեր, որից հետո միանգամից նկատելի էր ֆեյսբուքյան անդրադարձը՝ Եվրատեսիլով հետաքրքրված մարդիկ ներկայացնում էին իրենց ֆավորիտներին:

SHANTNEWS-ն էլ իր հերթին ներկայացնում է ֆավորիտների իր հնգյակը: Ինչպես ասում են ճաշակին ընկեր չկա, այնպես, որ եթե ձեր սիրելի երգիչը կամ երգչուհին չի ընդգրկվել մեր հնգյակում, ապա խնդրում ենք  շատ ծանր չտանել 😉 :

Kamil Show – Puerto Rico

Անհասկանալի է, թե ինչու է Արսեն Գրիգորյանը որոշել երգ ձոնել  Պուերտո Ռիկոյին,  բայց մի բան հաստատ է՝ այս օրերի ամենասկանդալային և ամենաշատ քննարկված երգն է: Պարային ռիթմերով, ծովափնյա տրամադրություն հաղորդող երգ է: Ու չնայած հանգամանքին, որ ամբողջ երգը կատարում է Լիլիթ Հովհաննիսյանը, իսկ Կամիլը ուղղակի իրեն բնորոշ բացականչություններ է անում, այնուամենայնիվ երգը հիշվող է ու դրական լիցքեր է հաղորդում:

YouTube-ում արդեն 100000-ից ավելի դիտում ունի, իսկ մեկնաբանությունները շատ դրական են՝ մարդիկ հիմնականում հավանել են երգը, իսկ Կամիլի կերպարին կատակով են վերաբերվում:

Asmik Shiroyan – You & I

Հասմիկ Շիրոյանին դեռևս անցած տարվա «Դեպի Եվրատեսիլ» նախագծից ենք հիշում, ինչպես նաև շատերը նրան ճանաչում են  «Ուկրաինայի ձայնը» նախագծից, որտեղ նրա   «Dziwny jest ten swiat» երգի փայլուն կատարումը զարմացրեց հանդիսատեսին և ժյուրիին:

Հասմիկը այս տարվա ֆովորիտներից մեկն է: Նրա երգը նույնպես շատ հիշվող է և իր ռիթմերով կարող է վարակել մեծ դահլիճներ: YouTube-ում երգչուհու մրցույթային երգի վերաբերյալ հայերից բացի շատ են մեկնաբանություններ թողել նաև արտերկրացիները: Նրանցից շատերը նշել են, որ հենց այս երգը Պորտուգալիայում հաղթող կճանաչվի:

Դե ինչ դեպքերից առաջ չանցնենք և հետևենք, թե ինչ ճակատագրի կարժանանա You & I  երգը:

Nemra – I’m a Liar

Երբ «Նեմռա» խումբը  որոշեց Եվրատեսիլին մասնակցության հայտ ներկայացնել, խմբի երկրպագուները միանգամից 7-րդ երկնքում հայտնվեցին, իսկ երբ հրապարակեցին երգը,  բոլորը միանգամից անգիր սովորեցին: Երգի բառերի և երաժշտության հեղինակը խմբի սոլիստ Վան Եղիազարյանն է: Դեռևս բացահայտված չէ, թե Վանը ինչ կախարդանք օգտագործել երգը գրելիս, բայց մի բան պարզ է, այս երգը մեկ անգամ լսելուց անգամ մխրճվում է ենթագիտակցության մեջ և ստիպում  է անընդհատ կրկնության կոճակը սեղմել:

Նշենք, որ խմբի երգերը հիմնականում  անգլերեն են և Եվրատեսիլին մասնակցելով նրանք շատ արագ կկարողանան իրենց կողմը գրավել եվրոպական լսարանին:

Robert Koloyan – Get Away With Us

Ճիշտ է, Եվրատեսիլում ոչ հաճախ են գնահատում իմաստալից երգերը, այնուամենայնիվ հաճախ բացառություններ լինում են: Ռոբերտ Քոլոյանի երգը այդ իմաստալից երգերի շարքին կարելի է դասել: Այս երգը, ի տարբերություն ներկայացված շատ երգերի, անգլերեն պրիմիտիվ նախադասությունների շարան չէ և հասկանալով երգելու համար է նախատեսված:

Mariam – Fade

Իսկ այս երգը չափազանց լավն է Եվրատեսիլի համար: 

Հիշեցնենք, որ Եվրատեսիլ երգի մրցույթը կկայանա Պորտուգալիայի մայրաքաղաք Լիսաբոնում մայիսի 8-12 ընկած ժամանակահատվածում: